വർണ്ണങ്ങൾ

 

*  വർണ്ണങ്ങൾ  *
 



ഓർമ്മയിലെനിക്കുമൊരു പ്രണയകാലം
വർണ്ണങ്ങൾ പൂത്ത വസന്തകാലം..
ആ മധുര സ്മരണകളോർത്തിടുമ്പോൾ
ഇന്നുമെന്നോർമ്മയിൽ തേങ്ങുമീണം..

 

പുഴയുടെ തീരത്ത്‌ പ്രണയിച്ചിരുന്നതും.,
കുളക്കരയിലിരുന്നു കുശലം പറഞ്ഞതും.,
കായലോരങ്ങളിൽ കാറ്റേറ്റിരുന്നതും.,
പാടവരമ്പത്ത് പാടി നടന്നതും..
ഇന്നുമോടിവന്നെത്തുന്നെന്നോർമ്മകളിൽ..

 

ആരാമവീഥികളിലാശിച്ചിരുന്നതും..
ആലിൻതറമേൽ കൈചേർത്തിരുന്നതും..
കണ്ണുകൾ തമ്മിൽ കഥ പറഞ്ഞിരുന്നതും..
കോടകാർ മൂടുമ്പോൾ പേടിച്ചിരുന്നതും..

 

ഇന്നുമെൻ ഹൃദയത്തിൽ കൊയ്ത്തുകാലം..
വർണ്ണങ്ങൾ പൂത്ത വസന്തകാലം..

 

~~~~~~~~~~~~~~~~~~~~~~~~~~~~~~~~~~~~~~~
Copyrighted by : Murali S Kumar
~~~~~~~~~~~~~~~~~~~~~~~~~~~~~~~~~~~~~~~