കാത്തിരിക്കുമ്പോൾ

 

 

കാറ്റൊന്നു പുണരുമ്പോൾ നിന്റെ രൂപം,
മഴയൊന്നു തഴുകുമ്പോൾ നിന്റെയോർമ്മ,
മാരിവിൽ തെളിയുമ്പോൾ നിന്റെ വർണ്ണം,
മാരിയിൽ നനയുന്നുവെൻ ഹൃദയം..

 

ഈണങ്ങൾ താളങ്ങൾ എത്രയോ മൂളി ഞാൻ,
ശ്രുതിയോടെ രാഗങ്ങൾ എത്രയോ മീട്ടി ഞാൻ,
അവയൊന്നുമീടാകുകില്ലല്ലോ തോഴീ, എൻ-
ഹൃദയം കവർന്ന നിൻ പുഞ്ചിരിക്കായ്..

 

വാനത്ത് മാരിവിൽ കുടയായി നിൽപ്പൂ,
താഴത്തെൻ താരകം നീയായ്‌ നിൽപ്പൂ..
എൻ കണ്‍കളിലൂടെ നീ പുഞ്ചിരിപ്പൂ.,
നീ എൻ കവിതയിലൂടെ പുനർജ്ജനിപ്പൂ..

 

കാലങ്ങൾ എത്രയായ് കാത്തിരിപ്പൂ നിന്റെ-
കാലൊച്ച കേൾക്കുവാൻ കൂട്ടുകാരീ.. 

~~~~~~~~~~~~~~~~~~~~~~~~~~~~~~~~~~~~~~~
Copyrighted by : Murali S Kumar
~~~~~~~~~~~~~~~~~~~~~~~~~~~~~~~~~~~~~~~